Die Schwowe unn Ihr Traum
Die meiste tromte schun als Kind,
dorthin zu fahre wo alli glicklich sind,
wo jeder an dess Guti glabt,
wo mit viel Geld alles iss erlabt.
wo die Sunn ach besser wärmt,
wo alles nur vom Reichtum schwärmt,
wo Wein unn Honig fließe soll,
wo genuch zu Esseiss, dess wär toll,
wo alli ohne Sorche lewe,
vor dess hunn se ihre Heimat gewe.
Verloss hunn se Hof unn Haus,
unn wollte weit weg in Fern`hinaus.
Nun sinn se ankumm in ihrem Traumland,
unn die meiste hun ach schun rkannt,
um do zu lewe braucht mer sehr viel Geld,
unn muss mehr arweite als sonst wo uf der Welt.
Der scheeni Traum iss ach schun fast verblasst,
denn ach hier gebst Neid unn werd gehasst.
Sie hun verloss die Nochbre unn die Freunde,
dess Schicksal se in die ganze Welt verstreute.
Vor Freinde hot mer jetzt ach weniger Zeit,
ach anre zu helfe iss mer immer weniger bereit.
Doch durch die moderne Erfindunge,
iss es einiche Schwowe ach gelunge,
wieder Freinde unn Gleichgesinnte zu finde,
die se durch ihr gleiches Schicksal ach verbinde,
Einiche hun diese Schritt ach schun bereit,
dess laut zu sage sinn se noch nett so weit.
Sie fahre ein, zweimol im Johr dohin,
wo se gebore unn groß wor sinn,
unn mache Fotos unn erinnre sich zurück,
an die scheeni Johre voller Glück.
Denn dess ware se, die kann mer ach so nenne,
sie ware glicklich, konnte was annres ach nett kenne.
Der Mensch war unn iss ach mit nix zufriede,
will immer mehr unn immer wiede,
will immer heher unn noch heher hinaus,
vor dess verlässt er sei Heimat, verlässt sei Haus,
um zu lewe im Land siner Träume,
denn ach er als Schwob will nix versäume.
